काठमाडौं : भुटानमा सम्पन्न काभा बिच भलिबल च्याम्पियनसिप अन्तर्गत पुरुष तर्फको खेलमा नेपाल माल्दिभ्ससँग फाइनलमा पराजित भएको छ।
भुटानको राजधानी थिम्पुमा शनिबार भएको फाइनल खेलमा नेपालका मानबहादुर श्रेष्ठ र दिल सुनारको जोडी माल्दिभ्सको ‘ए’ टोलीसँग सोझो सेटमा पराजित भयो।
माल्दिभ्स ‘ए’ ले नेपाललाई २१-१९, २१-१७ ले पराजित गरेको थियो। नेपालको यहि जोडीले दुई वर्षअघि बंगलादेशमा भएको एभिसी सेन्ट्रल जोन बिच भलिबलमा पनि रजत पदक जितेको थियो।
नेपालले यहि प्रतियोगितामा महिला तर्फ भने शनिबारै उज्वेकिस्तान ए टिमलाई सोझो सेटमा हराएर उपाधि जितेको थियो।
प्रतिक्रिया दिनुहोस्