अटोसहित २ जनालाई खोलाले बगायो, ३ जना सकुशल

तुलसीपुर : दाङमा अटोमा चढेका ५ जनामध्ये २ जनालाई खोलाले बगाएको छ ।

शुक्रबार साँझ साढे ७ बजेतिर तुलसीपुरबाट खाद्रेतर्फ जाँदै गरेको अटो काला खोलाले बगाउँदा दुईजना बेपत्ता भएको इलाका प्रहरी कार्यालय तुलसीपुरका प्रहरी नायव उपरीक्षक ठाकुरप्रसाद पोखरेलले बताए ।

तुलसीपुर उपमहानगरपालिका-४ खाद्रेतर्फ जाँदै गर्दा अटो खोलाले बगाएको हो । अटोमा सवार ५ जनामध्ये ३ जना सकुशल रहेका छन् । घटनाबारे विस्तृत विवरण आउन बाँकी छ । अहिले वर्षाका कारण दाङका नदी तथा खोलामा पानीको बहाव बढेको छ ।