कैलाली । कैलालीको गोदवरीमा स्कुल बस दुर्घटना भएको छ । जिल्लाको गोदावरी नगरापालिका–९ बल्मीमा स्कुल बस दुर्घटना भएको हो ।
स्कुल बस दुर्घटनामा परी दुर्गाज्योती इङ्लिस बोर्डिङ स्कुलका तीन जना घाइते भएका छन् । घाइते हुनेमा १५ वर्षीय विप्लब खड्का, १४ वर्षीय प्रकाश रावत र १६ वर्षीय रोशन नेपाली रहेका छन् । घाइते तीनैजनाको अत्तरियास्थित पदमा अस्पतालमा उपचार भइरहेको प्रहरीले जनाएको छ ।
प्रहरीका अनुसार दुर्घटनामा परेको से ०१००१ ख २१८२ नम्बरको बसमा कुल २७ जना विद्यार्थी सवार थिए ।
बसका चालक ३५ वर्षीय सैतुराम चौधरीलाई भने नियन्त्रणमा लिइएको प्रहरीले जनाएको छ । दुर्घटनामा अन्य मानवीय क्षती भने भएको छैन ।
प्रतिक्रिया दिनुहोस्