धनगढी : महाकाली नदीमा कञ्चनपुर दोधाराचाँदनी नगरपालिकाका एक युवक बेपत्ता भएका छन् । नदीबाट दाउरा निकाल्ने क्रममा शनिबार महाकाली नदीमा डुबेर दोधाराचाँदनी नगरपालिका-४ चाँदनीका रतने भट्ट बेपत्ता भएका हुन् ।
ईलाका प्रहरी कार्यालय दोधाराचाँदनीका इन्चार्ज प्रहरी निरीक्षक होम बहादुर चौधरीले नदीबाट दाउरा निकाल्ने क्रममा ५० वर्षीय भट्ट बेपत्ता भएको बताए । महाकाली नदीमा आएको साउने भेलमा परेर दाउरा निकाल्ने क्रममा बेपत्ता भएका भट्टको खोजी कार्य भईरहेको प्रहरीले जनाएको छ ।
इलाका प्रहरी कार्यालय दोधाराचाँदनीका इन्चार्ज चौधरीले बेपत्ता भएको स्थानदेखि झण्डै ५/७ किलोमिटर नदी क्षेत्रमा खोजी कार्य गर्दा समेत नभेटाएको बताए ।
प्रतिक्रिया दिनुहोस्