बाजुरा : बाजुराको जगन्नाथमा युवा क्लबले खानेपानीको मुहान सरसफाइ गरेको छ। जगन्नाथ गाउँपालिका–५ को युनिक स्पोर्ट्स युवा क्लबले खानेपानीको मुहान दूषित रहेको पाइएपछि शनिवार सफा गरेको हो।
लामो समयदेखि खानेपानीको मुहान दूषित हुँदा पनि सम्बन्धित निकायले ध्यान नदिएपछि स्वच्छ खानेपानीको पहुँच सबै जनतामा पु¥याउन गाउँलेहरूको सहयोगमा सरसफाइ गरिएको क्लबका सल्लाहकार रतन विकले जानकारी दिए। बिहारडाँडा, लुहार बाडा, दाडिमबाडी र टालिखेतका जनता दूषित पानी पिउन बाध्य बनेका भएका थिए।
विभिन्न ठाउँबाट बग्दै आयको पानीलाई एक ठाउँमा जम्मा गरी खाने पानीमा मिसाइएकाले समस्या भएको क्लबका अध्यक्ष नवीन सार्कीले बताए। सर–सफाइमा ध्यान नदिँदा ट्याङ्कीमा धेरै जसो मात्रामा फोहोर माटो लेदो निस्कने र मुहान खुला र बेवारिसे हुँदा सर्प र भ्यागुता भेटिने गरेको नेकपा एमाले जगन्नाथ गाउँ कमिटी सचिव टक्क कामिले बताए।
प्रतिक्रिया दिनुहोस्