काठमाडौं : क्यानडामा ग्लोबल टी-२० लिगमा नेपाली खेलाडीद्वय सन्दीप लामिछाने र दीपेन्द्रसिंह ऐरीआबद्ध भेनकुवर नाईट्सको दोस्रो खेल आज (शनिबार) हुदैछ ।
नाईट्सले आफ्नो दोस्रो खेलमा बंगाल टाईगर्ससँग खेल्दैछ । खेल क्यानडाको सीएए सेन्टर, ब्राम्पटनमा नेपाली समय अनुसार शनिबार बेलुका पौने नौबाट सुरु हुदैछ ।
सन्दीप र दीपेन्द्रआबद्ध नाईट्स पहिलो खेलमा टोरोन्टो नेसनल्ससँग पराजित भएको थियो । यस खेलमा सन्दीपको अलराउन्ड प्रदर्शन भए पनि टोलीलाई जिताउन भने सकेका थिएनन् । भिषा समस्याका कारण ढिला क्यानडा पुगेका कारण पहिलो खेलमा उपलब्ध नरहेका दीपेन्द्र यस खेलका लागि भने उपलब्ध हुनेछन् ।
सन्दीप र दीपेन्द्रआबद्ध नाईट्समा उस्मान ख्वाजा, मोहम्मद अमिर लगायत खेलाडी छन् । दीपेन्द्र दोस्रो पटक यस लिग खेल्दैछन् भने सन्दीपले लिगका सबै संस्करण खेलेका छन् ।
प्रतिक्रिया दिनुहोस्