धनगढी : कञ्चनपुरमा बिहीबार साँझ कृष्णपुर नगरपालिका-६ गजरौला बस्ने ६७ वर्षका कृष्ण लुहार मृत फेला परेका हुन् ।
आफ्नै घरभित्र सल्फास नामक विषादी सेवन गरेका उनलाई उपचारको लागि सेती प्रादेशिक अस्पताल धनगढी लगिएकोमा उपचारको क्रममा राति नै मृत्यु भएको प्रहरीले बताएको छ ।
त्यस्तै, हिजो राति नै दोधारा चाँदनी नगरपालिका-४ बडुवाल टोल बस्ने अम्मर बडुवालको छोरा १५ वर्षीय अर्जुन बडुवाल आफ्नै घरको कोठाभित्र फलामको डण्डिमा गलबन्दीको पासो लगाई मृत अवस्थामा फेला परेका थिए ।
इलाका प्रहरी कार्यालय दोधारा चाँदनीबाट खटिएको प्रहरी टोलीले घटनास्थल प्रकृति मुचुल्का लगायतका प्रारम्भिक अनुसन्धानको कार्य पुरा गरी पोष्टमार्टमको लागि महाकाली प्रादेशिक अस्पताल महेन्द्रनगर पठाएको जनाएको छ ।
कञ्चनपुर प्रहरीले दुबै घटनामा थप अनुसन्धान भइरहेको बताएको छ ।
प्रतिक्रिया दिनुहोस्