बैतडी : बैतडीमा महाकाली किनारबाट बेपत्ता भएकी ममता मंगोला अझै भेटिएकी छैनन् । पञ्चेश्वर गाउँपालिका २ डिम्बरकी १५ वर्षीया ममता बिहीबारदेखि बेपत्ता रहेकी जिल्ला प्रहरी कार्यालय बैतडीका प्रहरी निरीक्षक खेमविक्रम केसीले जानकारी दिए ।
महाकाली नदी किनारतिर बाख्रा चराउन गएकी ममता बिहीबार दिउँसो साढे २ बजेदेखि बेपत्ता रहेकी र अझै फेला नपरेकी उनले बताए ।
स्थानीय र प्रहरी मिलेर ममताको खोजी कार्य जारी राखेको छ । बालिका महाकाली नदीमा बगेको हुन सक्ने अनुमानसहित महाकाली नदी किनारमा समेत खोजी कार्य भइरहेको प्रहरीले जनाएको छ ।
प्रतिक्रिया दिनुहोस्