हार्दिकलाई छाडेर सूर्यलाई कप्तान बनाउनुको कारण के ?

नयाँ दिल्ली : भारतीय क्रिकेट टोलीमा, कुराहरू मौसमभन्दा छिटो र धेरै चेतावनी बिना परिवर्तन हुन सक्छ। 

केही समय अघि मात्रै हार्दिक पाण्ड्याले बलियो कमब्याक गरेका थिए । इन्डियन प्रिमियर लिगका क्रममा जब उनलाई रोहित शर्माको स्थानमा मुम्बई इन्डियन्सको कप्तान बनाइयो, हरेक मैदानमा फ्यानहरूले उनलाई निशाना बनाएका थिए ।

तर हार्दिकले अमेरिका र वेस्ट इन्डिजमा भएको टी–२० विश्वकपमा शानदार पुनरागमन गरे र कतिपयले उनलाई विश्वकपको नायकको रूपमा समेत हेरे ।

यस पूरै प्रतियोगितामा हार्दिकले महत्त्वपूर्ण भूमिका खेलेका थिए। उनको बलिङ र मिडल अर्डरमा कहीँ पनि ब्याटिङ गर्ने क्षमताका कारण उनले टोलीलाई धेरै आवश्यक सन्तुलन दिइरहेका थिए । उनले फाइनल खेलमा महत्त्वपूर्ण ओभर बलिङ गर्दै टोलीको जितमा योगदान पुर्‍याएका थिए ।

त्यसपछि जिम्बाब्वे भ्रमणका लागि केही खेलाडीलाई विश्राम दिइएको थियो ।

अब भारतले श्रीलंका विरुद्धको आगामी शृङ्खलाका लागि आफ्नो ‘पूर्ण शक्ति’ सहितको टोली घोषणा गरेको छ, जसमा हार्दिक पाण्ड्यालाई कप्तानको विकल्पको रूपमा बेवास्ता गरिएको छ।

• सूर्यकुमारलाई कप्तानी दिनुको के अर्थ ?

सूर्यकुमार यादवलाई टी–२० अन्तर्राष्ट्रिय टोलीको कप्तान बनाएको छ, यो कदमलाई अलि असामान्य पनि मान्न सकिन्छ । सूर्यकुमारको टी–२० म्याचमा ठुलो स्कोर गर्ने क्षमता उपयोगी भए पनि एकदिवसीय र टेस्टका लागि छनोट हुँदैनन् । सूर्यकुमार यादवलाई ५० ओभर र टेस्ट क्रिकेटमा सीमित अवसर दिइए पनि उनले आफ्नो स्थान पक्का गर्न खास केही गर्न सकेनन् ।

भारतीय टोलीको इतिहास हेर्दा एउटै कप्तानले तीनवटै फर्म्याटमा कप्तानी गर्दै आएका छन् । यो कुरा अझ स्पष्ट भयो जब विराट कोहलीले टी-२० कप्तानी छोडे र त्यसपछि उनीबाट एकदिवसीय कप्तानी खोसियो । पछि उनले टेस्ट क्रिकेटको कप्तानीबाट राजीनामा दिए।

योसँगै सूर्यको टी–२० कप्तानीले पनि अर्कै कुराको सङ्केत गर्छ । हार्दिकलाई कुनै पनि सेतो बल फर्म्याटको उपकप्तान बनाइएको छैन । उनको सट्टा टी–२० विश्वकप खेल्न नसकेका शुभमन गिललाई उपकप्तान बनाइएको छ ।

यस्तो अवस्थामा गिल भविष्यमा सबै फर्म्याटको कप्तान बन्न सक्ने बीसीसीआईको विश्वास रहेको स्पष्ट छ ।

• पाण्डेयलाई किन बेवास्ता गरियो ?

पाण्ड्याको विरुद्धमा गएका कुरा उनको फिटनेससँग सम्बन्धित चिन्ता हुन् । पाण्ड्याका लागि अलराउन्डरको भूमिका निर्वाह गर्न त्यति सजिलो थिएन ।

पाण्ड्याले कहिलेकाहीँ पूरा सिरिज खेल्न सकेनन्, त्यसपछि कडा मेहनत गरेर कमब्याक गरे । कहिलेकाहीँ उनले बलिङ त्यागेर ब्याट्सम्यानको रूपमा मात्र खेल्नुपर्थ्यो ।

रिपोर्टका अनुसार नयाँ मुख्य प्रशिक्षक गौतम गम्भीरले सूर्यलाई कप्तान बनाउन विशेष आग्रह गरेका थिएनन्, बरु फिटनेस र चोटका कारण टिम बाहिर रहेका पाण्ड्याजस्ता खेलाडीसँग काम गर्दा असन्तुष्टि व्यक्त गरेका थिए ।

हार्दिक पाण्डेयले श्रीलंका भ्रमणका क्रममा एकदिवसीय खेलबाट ब्रेक मागेका छन् भने बीसीसीआईले पनि उनको अनुरोध स्वीकार गरेको छ । तर अबको एकदिवसीय अन्तर्राष्ट्रियको अवस्था कस्तो हुन्छ भन्न गाह्रो छ ।

के हार्दिक पाण्डेया अलराउन्डरको रूपमा टिममा फर्कने छन् ?

पाण्ड्याको क्षमतालाई हेर्दा उनले अवश्य पुनरागमन गर्नुपर्छ भन्न सकिन्छ । तर यो पनि प्रष्ट छ कि भारतसँग अहिले पहिलेभन्दा धेरै अलराउन्डर विकल्पहरू छन्।

शिवम दुबे, अक्षर पटेल, वासिङ्टन सुन्दर र रायन पराग यी सबै खेलाडी श्रीलंकाविरुद्धको सिरिजका लागि दुवै टोलीमा छन् ।

यो सम्भव छ कि तिनीहरू मध्ये एकले उत्कृष्ट प्रदर्शन गरेर टोलीमा आफ्नो स्थान पक्का गर्न सक्छन् ।

• चयनकर्ता र प्रशिक्षकहरू अगाडि सोचिरहेका छन्

सूर्यकुमार यादवको कप्तान छोटो अवधिका लागि भएको स्पष्ट छ । उनी ३४ वर्षका छन् र अन्तर्राष्ट्रिय स्तरमा एकै फर्म्याटमा खेल्छन् । तर पनि लामो समय खेल्ने सम्भावना छैन ।

गिल अबको सम्भावित कप्तान हुनेछन् । गिलको प्रदर्शन अपेक्षाअनुरुप भएन भने विकेटकिपर भएर सबै फर्म्याटका ब्याट्सम्यान भएका ऋषभ पन्त कप्तानको सम्भावित उम्मेदवार बन्नेछन् ।

श्रीलंका भ्रमणका लागि भारतीय टोलीको छनोटले पनि चयनकर्ता र प्रशिक्षकले सीमित ओभरको क्रिकेटलाई नयाँ दिशा दिन खोजेको देखाएको छ ।

रोहित, कोहली र जडेजाले टी–२० इन्टरनेशनलबाट संन्यास लिएपछि युवा खेलाडीका लागि आईपीएल र घरेलु क्रिकेटमा प्रदर्शन गर्ने ढोका खुलेको छ ।

यसबाहेक सञ्जु सैमसन एकदिवसीय टोलीमा छनोट नभएको तथ्य पनि रोचक छ । यी ३० वर्षीय खेलाडीमा पक्कै पनि क्रिकेट बाँकी छ । अन्तर्राष्ट्रिय क्रिकेटमा डेब्यु गरेको ९ वर्षमा उनले १६ ओडिआई र २८ टी–२० अन्तर्राष्ट्रिय खेल मात्र खेलेका छन् ।

टोलीमा स्थानका लागि प्रतिस्पर्धा र ब्याटिङमा बढी योगदान दिने विकेटकिपरको उपस्थितिले उनको करियर छोटो भएको हो । र अब यो देखिन्छ कि चयनकर्ता र प्रशिक्षकहरू पनि पछाडि फर्केर हेर्नुको सट्टा अगाडि सोचिरहेका छन्।

अभिषेक शर्माको मामला पनि रोचक छ, उनले हालै जिम्बाब्वे भ्रमणमा उत्कृष्ट शतक बनाएका थिए । तर उनी श्रीलंका सिरिजबाट बाहिर छन्, तर अभिषेक अझै जवान छन् र उनले आफ्नो समय पर्खनुपर्नेछ।