बैतडी : बैतडीको मेलौली नगरपालिकाले आँखा उपचार केन्द्र सञ्चालनमा ल्याएको छ । नेपाल नेत्रज्योती संघ गेटा आँखा अस्पताल र सेभा फाउण्डेसनको सहकार्यमा नगरपालिकाले आँखा उपचार केन्द्र सञ्चालनमा ल्याएको हो ।
उक्त आँखा उपचार केन्द्रको शुक्रबार एक कार्यक्रमका बिच नगरप्रमुख भीमबहादुर चन्दले उद्घाटन गरेका छन । उद्घाटन पश्चात बोल्दै उनले आँखासम्बन्धी उपचार सेवा दिने लक्ष्यका साथ केन्द्र सञ्चालनमा ल्याईएको बताए ।
उनले केन्द्र सञ्चालनमा आउँदा नगरबासीहरुलाई आँखाको उपचारमा सहज हुने अपेक्षा रहेको बताए । उनले नागरिकको आधारभूत स्वास्थ्य सेवामा पहुँच पु¥याउन नगरपालिकाले पहल गरिरहेको बताए । आँखा उपचार केन्द्रमा एकजना नेत्र सहायकले सेवा प्रदान गर्ने व्यवस्था मिलाइएको बताईएको छ ।
प्रतिक्रिया दिनुहोस्