बारा : भैरहवाबाट वीरगन्जतर्फ जाँदै गरेको बस बाराको जीतपुरसिमरा २३ भलुहीमा मंगलबार पल्टिँदा १७ यात्रु घाइते भएका छन् ।
ना ७ ख ६०७६ नम्बरको बस दुर्घटना भएको हो । दुर्घटनामा घाइते तीन जनाको अवस्था गम्भीर छ । अन्यको सामान्य अवस्थामा उपचार भइरहेको जिल्ल्ला प्रहरी कार्यालयका प्रवक्ता प्रहरी नायब उपरीक्षक दधिराम न्यौपानेले बताए ।
बस अनियन्त्रित भई सडक छेउमा पल्टिँदा त्यसमा सवार २२ जना यात्रुहरुमध्ये १७ घाइते भएको प्रहरी नायब उपरीक्षक न्यौपानेले जानकारी दिए । घाइतेहरूको वीरगन्जकोको मेडिसीटी बयोधा अस्पालमा उपचार भइरहेको छ ।
बस चालक चितवनको राप्ती नगरपालिका ६ भण्डाराका ३० बर्षीय सागर न्यौपाने प्रहरीको नियन्त्रणमा छ । बस पल्टेको विषयमा अनुसन्धान भइरहेको प्रहरी नायब उपरीक्षक न्यौपानेले बताए ।
प्रतिक्रिया दिनुहोस्