धनगढी : कैलालीमा कार्यरत एक प्रहरी सहायक हवल्दारलाई चितवन रमाना गरिएको छ। हालै धनगढीमै अटो चलाउने गरेकी प्रहरी हवल्दार धनबहादुर धामीकी पत्नीसँग विवाद गरेपछि सहायक हवल्दार मनोज चन्दलाई रमाना गरिएको हो।
चन्दले आफू असई हुँ भन्दै अटोमा चढेर पैसा नदिई जान खोज्दा महिलासँग विवाद भएको थियो। सो विवादको गुनासो जिल्ला प्रहरी कार्यालय कैलालीमा पुगेपछि चन्दलाई दरबन्दी भएकै स्थान चितवन रमाना गरिएको बताइएको छ।
चन्द काजमा कैलालीमा कार्यरत थिए। स्रोतका अनुसार अत्यधिक मदिरा सेवन गरेर ड्युटीसमेत नगर्ने उनी बेलाबेला विभिन्न विवादमा मुछिदै आएका थिए।
प्रतिक्रिया दिनुहोस्