‘हाउसफुल ५’ मा सञ्जय दत्त अनुबन्धित 

एजेन्सी : हाउसफुल फ्रेन्चाइजीका चार वटा फिल्म रिलिज भइसकेका छन्। यी सबै फिल्मलाई दर्शकले रूचाएका थिए।

अब यसको पाँचौं फिल्म बनाउने तयारी भइरहेको छ। फिल्ममा अक्षय कुमार, रितेश देशमुख, अभिषेक बच्चन अनुबन्धित भइसकेका छन्। यसैबीच फिल्ममा सञ्जय दत्त पनि अनुबन्धित भएको खबर बाहिरिएको छ। 

उनी फिल्ममा देखिने खबर बाहिरिएसँगै दर्शकहरू उत्साहित भएका छन्। फिल्मका निर्माता साजिद नाडियाडवालाले ट्विटरमा एक तस्बिर सार्वजनिक गर्दै उक्त जानकारी दिएका हुन्।

‘हाउसफल ५ मा सञ्जय दत्त अनुबन्धित भएको घोषणा गर्न पाउँदा एनजीई परिवार खुसी छ। पागलपन भरिएको अर्काे काम गर्न उत्साहित छु,’ उनले लेखेका छन्।  

यो फिल्मलाई तरूण मनसुखानीले निर्देशन गर्नेछन्। फिल्मको छायांकन अगस्टदेखि बेलायतमा सुरू हुनेछ। 

फिल्म सन् २०२५ जुन ६ मा रिलिज गर्ने तयारी भइरहेको छ।