बिजुलीको पोलमा रुख ढलेपछि अछाममा विद्युत सेवा अवरुद्ध

बाजुरा : अछामको बुढाबगर नजिकै ३३ केभी विद्युत प्रशारण लाईनमा रुख ढलेको छ । अविरल वर्षाका कारण सालको रूख ढलेर बिजुलीको पोल भाँचिएपछि बाजुरामा राष्ट्रिय प्रशारण लाईनको विद्युत सेवा अवरुद्ध भएको छ ।

शनिवार विहान बिजुलीको पोलमा रुख ढलेपछि अछामका केही स्थान र बाजुरामा विद्युत सेवा अवरुद्ध भएको बाजुरा वितरण केन्द्रका प्रमुख राजेश कुमार झाले बताए ।

उनका अनुसार अवरुद्ध विद्युत सेवा सूचारू गर्नका लागि बाजुरा र अछामबाट जनशक्ति परिचालन गरिएको छ । साँझसम्म काम सकिए विद्युत सेवा सूचारू गर्ने बाजुरा वितरण केन्द्रले बताएको छ ।