‘मायाको घर’ गायक रामकृष्ण ढकालको नयाँ गीत

काठमाडौं : पाँच हजारभन्दा बढी गीतहरूमा आवाज दिइसकेका गायक रामकृष्ण ढकालको नयाँ गीत ‘मायाको घर’ सार्वजनिक भएको छ ।

शुक्रबार काठमाडौंको दरबारमार्गस्थित क्यूएफएक्स सिनेमा, राइजिङ मलमा एक कार्यक्रमको आयोजना गर्दै यसको भिडियो सार्वजनिक गरिएको हो ।

गीतमा गोविन्द कँडेल ‘आशु’को शब्द रचना, हरि लम्सालको संगीत तथा रामकृष्ण ढकालको स्वर छ

गीतको भिडियोलाई स्वीकृति सापकोटाले निर्देशन गरेकी छन् । यसमा गायक ढकाल र पाँच वर्षीया कलाकार आर्या भानीले अभिनय गरेका छन् । भिडियोमा ढकालले एकल पिता र आर्याले छोरीको भूमिकामा अभिनय गरेका छन् ।

भिडियोमा सुशील खनालको छायांकन तथा सम्पादन रहेको छ भने क्रिएटिभ हेड आशा गौतम र सहायक निर्देशक रोशन अधिकारी हुन् ।