काठमाडौं : अबदेखि काठमाडौं जिल्लाका सबै नगरपालिकाको कार्यालयबाट राष्ट्रिय परिचयपत्र बनाउन सकिने भएको छ । जिल्ला प्रशासन कार्यालय काठमाडौंले एक सूचनामार्फत् यसबारे जानकारी दिएको हो ।
प्रशासन कार्यालयमा सेवाग्राहीहरूको अत्याधिक चापलाई मध्यनजर गर्दै नगरपालिकाको कार्यालयबाट परिचय पत्र बनाउन सकिने गरी सेवा प्रवाह गरिएको प्रशासनले जनाएको छ ।
काठमाडौं महानगरपालिकाको हकमा राष्ट्रिय सभागृहबाट बनाउन सकिनेछ ।
अन्य जिल्ला स्थायी ठेगाना भएका सेवाग्राहीहरूले नारायणहिटी दरबार (साविकको राहदानी विभाग)बाट राष्ट्रिय परिचयपत्रको विवरण दर्ता कार्य भइरहेको पनि प्रशासन कार्यालयले जानकारी दिएको छ ।
प्रतिक्रिया दिनुहोस्