धनगढी : कैलालीको भजनी क्षेत्र डुबानमा परेको छ । कान्द्रा र काढा नदीको बाढी बस्तीमा पसेपछि भजनी नगरपालिका क्षेत्र डुबानमा परेको हो ।
नगरप्रमुख केवल चौधरीले भजनीका सबै वडा बाढीले जलमग्न हुँदा तीन हजार बढी घर डुबानमा परेका बताए । ‘घरमा पानी पसेपछि कोही आफन्तको घर, कोही सडकमा निस्केका छन्, डुबान क्षेत्रका केही परिवार वनमा बसेका थिए, केही दिनअघि वन विभागले टहरा हटायो, अब कहाँ बस्नुस् भन्ने, पालिकाले हजारौँ परिवार उद्धार गर्नसक्ने अवस्था पनि छैन’, उनले भने ।
हरेक वर्ष बाढी आउने भजनीमा सबै वडा डुबानमा परेपछि पालिकालाई उद्धारमा समेत समस्या हुने गरेको छ । भजनी नगरपालिका मोहना, पथरैया, कन्द्रा र काढा नदीको चपेटामा पर्ने गर्दछ ।
प्रतिक्रिया दिनुहोस्