काठमाण्डौ : पहिरोका कारण कालीगण्डकी करिडोर र बझाङको जयपृथ्वी राजमार्ग अवरुद्ध भएका छन् । बागलुङको जैमिनी नगरपालिका–१ ठेउलेखोलामा आएको बाढीले सडक बगाउँदा कालीगण्डकी करिडोर बन्द भएको हो ।
बुटवल, भैरहवा, कपिलवस्तु, दाङ, मुक्तिनाथ जाने गाडी चल्न नसकेका जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक विजय यादवले जानकारी दिनुभयो । बन्द सडक खुलाउन प्रयास भैरहेको उहाँको भनाइ छ ।
यस्तै बझाङको जयपृथ्वी राजमार्ग अवरुद्ध भएको छ । गएराति विभिन्न ठाउँमा खसेको पहिरोका कारण राजमार्ग अवरुद्ध भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।
मुख्यगरी जालेबगर र तमैलमा पहिरो खसेपछि सडक अवरुद्ध छ । राजमार्ग बन्द हुँदा बझाङ भित्रिने र त्यहाँबाट छुट्ने गाडी चल्न सकेका छैनन् । छिट्टै सडक खुलाउनेगरी तयारी अवस्थामा रहेको ट्राफिक प्रहरीले जनाएको छ ।
प्रतिक्रिया दिनुहोस्