गोदावरीमा आगलागी हुँदा साढे ४ लाखको क्षती

धनगढी : कैलालीको गोदावरीमा एक घरमा आगलागी हुँदा साढे ४ लाख बढीको क्षती भएको छ । सोमबार साँझ गोदावरी नगरपालिका – १० खमौराका कर्ण बहादुर मल्लको कच्ची घरमा आगलागी हुँदा ४ लाख ६१ हजार ६६० रुपैयाँ बराबरको क्षती भएको हो ।

भुसा, पराल राखेको गोठमा आगलागी हुँदा गोठ भित्र रहेका प्लाष्टिकको खाली क्रेट, डिजलका खाली ड्रम, काठ, भुसा, पराल लगायतका सामानहरु जलेर नष्ट भएको जिल्ला प्रहरी कार्यालय कैलालीले जनाएको छ । आगलागी स्थानिय, प्रहरी र दमकलको सहयोगमा नियन्त्रणमा लिईएको थियो ।