धनगढी : कैलालीबाट २०८० को माध्यमिक शिक्षा परीक्षा (एसइई) दिएका पाँच हजार ४२८ जना विद्यार्थी उत्तीर्ण भएका छन् । यो जिल्लाबाट एसइईमा सहभागी भएका ३०.०५ प्रतिशत मात्र विद्यार्थी उत्तीर्ण भएको शिक्षा विकास तथा समन्वय इकाई धनगढीले जानकारी दिएको छ । सो कार्यालयका अनुसार यो जिल्लाबाट १८ हजार ६० जना विद्यार्थीले एसइई परीक्षा दिएका थिए ।
परीक्षा दिएकामध्ये १२ हजार ६३२ जना ६९.९४ प्रतिशत विद्यार्थीको नतिजा राम्रो आएको छैन । परीक्षा उत्तीर्णमध्ये चार जनाले चार जिपिए ल्याएको शिक्षा विकास तथा समन्वय इकाईका शाखा अधिकृत प्रतापसिंह धामीले बताए।
उनकाअनुसार ३३४ जनाले ३.६ देखि चार जिपिए, एक हजार २९९ ले ३.२ देखि ३.५९ जिपिए, दुई हजार ९३ जनाले २.८ देखि ३.१९ जिपिए प्राप्त गरेका छन् । यसैगरी, एक हजार ५१९ जनाले २.४० देखि २.७९ जिपिए र १८३ जनाले २.०१ देखि २.३९ जिपिए ल्याएका छन् । पाँच हजार ५० जना विद्यार्थीले ग्रेड सुधार परीक्षा दिन पाउने छन्।
प्रतिक्रिया दनुहोस्