बैतडी : बैतडीको मेलौली नगरपालिकामा वडाअध्यक्षले कर्मचारी माथी कुटपीट गरेको भन्दै कर्मचारीहरुले नगरपालिकाका सेवाहरु ठप्प पारेका छन् । वडा न. ९का अध्यक्ष लोकराज भट्टले जिन्सी शाखामा कार्यरत सहायक पाचौँ चक्रमणी जोशी माथी कुटपीट गरेको कर्मचारीहरुको आरोप छ ।
नगरपालिकाका कर्मचारीहरुले एक प्रेस विज्ञप्ती जारी गर्दै आजैका मिति देखी अत्यावश्यक बाहेकका सेवाहरु बन्द गरि आन्दोलन सुरु गरेकाछन् ।
नगरपालिकाका प्रमुख प्रशासकीय अधिकृत नारायण चन्द लगायतका ३८जना कर्मचारीहरुले संयुक्त विज्ञप्ती जारी गर्दै सुरक्षाको पुर्ण ग्यारेण्टी नहुन्जेल आन्दोलन जारी राख्ने बताएकाछन् । उनिहरुले अत्यावश्यक बाहेकका सेवाहरु बन्द गरेको जनाएको छ । आज नगर प्रमुख भिम बहादुर चन्द नगरपालिका बाहिर रहेकाले उहाँ फर्केपछि सुरक्षाको ग्यारेण्टी गरेमात्रै सेवाहरु सुचारु गर्ने प्रमुख प्रशासकीय अधिकृत चन्दले बताए ।
यता वडाअध्यक्ष लोकराज भट्टले भने दोहोरो हातपात भएको बताएकाछन् । उनले वडाको बजेट वाडको सिफारिस बिनै किन खर्चेको भनि प्रश्न गर्दा कुर्शीबाट उठेर आएको र हातपातको स्थीति श्रृजना भएको बताए ।
प्रतिक्रिया दिनुहोस्