बैतडीको पाटन नगरपालिका–९ बिजयापुरमा विद्युतको पोलमा करेन्ट लागेर दुई वटा बाख्राहरु मरेका छन् ।
मंगलबार दिउँसो करिब १ बजेको समयमा पाटन नगरपालिका–९ बजौटेका स्थानीय नरेन्द्र सिंह बिष्ट एक र भानदेव बिष्टका एक गरी दुईवटा बाख्रा मरेका हुन् । खोड्पे देखि गाँजरी जोड्ने थ्री फेस लाईनको पोलमा करेन्ट लागेर बाख्राहरु मरेको पिडत भानदेव बिष्टले बताए ।
यस विषयमा जानकारी पाएको र पिडितपक्षबाट निवेदन आएपछि क्षतिपुर्तीका लागि सिफारिस गरिने विद्युत वितरण केन्द्र बैतडीका प्रमुख जनार्दन पौडेलले बताए । विद्युत लाईनमा देखिने समस्या समाधानको लागि पगि आवश्यक कार्य गरिने वितरण केन्द्रले बताएको छ ।
गत वर्ष पनि भानदेव बिष्टकी बुहारी कमला बिष्ट रुखमै लत्रिएको तारबाट बहेको करेन्ट लागेर घाइते भएकी थिइन् । घाइते बिष्टले हालसम्म क्षतिपुर्ती र उपचार खर्च समेत पाएकी छैनन् ।
विद्युतको चरम लपरवाहीका कारणले यस्ता घटनाहरु विगत देखी घटी रहेको स्थानीयहरुको गुनासो गरेका छन्।
प्रतिक्रिया दिनुहोस्