जादुगरजस्तो उफ्रिने काम प्रधानमन्त्रीलाई छोडिदिऊँ : गगन थापा

काठमाडौं : नेपाली कांग्रेसका महामन्त्री गगनकुमार थापाले आफूहरू पार्टी निर्माणमा लाग्नुपर्ने बताएका छन् । मंगलबार काठमाडौंमा नेपाल लोकतन्त्रवादी आदिवासी जनजाति महासंघको महाधिवेशनमा उनले यस्तो बताएका हुन् ।

आउँदो निर्वाचनमा कांग्रेसले कम्तीमा १०० सिट ल्याउने गरी लाग्न उनले पार्टीका नेता–कार्यकर्तालाई आग्रह गरे । ०८४ सम्म कांग्रेसले सरकारतिर फर्किएर हेर्नै नहुने र योबीचमा पार्टी निर्माणमा लाग्नुपर्नेमा उनले जोड दिए ।

उनले ‘जादुगरजसरी यताउति उफ्रिने काम’ प्रधानमन्त्री पुष्पकमल दाहाल ‘प्रचण्ड’लाई छोडिदिन आग्रह गरे ।

महामन्त्री थापाले कांग्रेसले ०८४ मा कम्तीमा ४० प्रतिशत मत ल्याउने गरी पार्टी निर्माणमा लाग्नुपर्ने बताए ।