एकै स्कुलमा २३ जोडी जुम्ल्याहाले एकै पटक स्नातक  पास भए

एजेन्सी : म्यासाचुसेट्सको एक  स्कूलबाट तेइस जोडी जुम्ल्याहाहरू स्नातक उतिर्ण भएका छन्। समान र असमान जुम्ल्याहाहरू नीडहाम, म्यासाचुसेट्सको पोलार्ड मिडल स्कूलबाट स्नातक भएका हुन्। प्रधानाध्यापक तामाथा बिब्बोका अनुसार अर्का एक विद्यार्थी, जो जुम्ल्याहा हुन् उनी पनि  स्नातक भए तर उनको भाइ भने फरक स्कूलमा पढ्छन्।

‘यो निकै असामान्य हो, बिब्बोले भनिन् ‘हामीसँग सामान्यतया बढीमा पाँचदेखि दस जोडी हुन्छन्। हाम्रो संख्या अनुसार, हामीसँग प्रत्येक कक्षामा लगभग ४५० देखि ५०० बच्चाहरू छन्, त्यसैले यो असाधारण हो।’

स्कूलले “मुभिङ अप” समारोह आयोजना गरेर २३ जोडी जुम्ल्याहाहरूलाई विशेष सम्मान समेत दियो। राष्ट्रिय स्वास्थ्य तथ्यांक केन्द्रका अनुसार, संयुक्त राज्य अमेरिकामा जीवित जन्मको लगभग ३% जुम्ल्याहाहरू हुन्छन्।

पोलार्ड मिडल स्कूलका स्नातकहरूले आफ्नो समुदायमा १० घण्टासम्मको सेवा सिकाइ पूरा गरेको हुनुपर्छ र हरेक वर्ष नीडहाम एक्सचेन्ज क्लबले पाँच वटा सामुदायिक सेवा पुरस्कारहरू प्रदान गर्छ। बिब्बोका अनुसार यस वर्ष पहिलो पटक एक जोडी जुम्ल्याहा – लुकास र समीर पटेलले – पुरस्कार र उनीहरूको धर्मार्थ संस्थाका लागि दान जितेका थिए।