तिला नदीमा बेपत्ता व्यक्तिको शव भेटियो

काठमाडौँ : कालिकोटको महावै गाउँपालिका–५ तिला नदीमा नुहाउने क्रममा डुबेर बेपत्ता भएका व्यक्तिको शव फेला परेको छ ।​​औवलगेला बस्ने कवि पोख्रेल गत आइतबार नुहाउने क्रममा  नदीमा डुबेर बेपत्ता भएका थिए ।

बेपत्ता पोख्रेलको खोजीका लागि सशस्त्र प्रहरी बल नेपालको महेश्वरी बाहिनी मुख्यालय सुर्खेत र आश्रित गुल्म कालिकोटबाट गोताखोरको टोली खटिएको थियो ।

मंगलबार अपरान्ह साढे तीन बजे शव नदी भित्रबाट निकालेको हो ।