खच्चर उद्धारमा साहसिक काम गर्ने असई राम र हवल्दार गंगाराम नगदसहित पुरस्कृत

कैलाली :  सुदूरपश्चिम प्रदेश प्रहरी कार्यालय धनगढीले खच्चर उद्धारमा साहसिक काम गरेका दुई प्रहरीलाई पुरस्कृत गरेको छ । प्रदेश प्रहरी कार्यालयले प्रहरी सहायक निरीक्षक राम सिंह फराल र प्रहरी हवल्दार गंगाराम चौधरीलाई पुरस्कृत गरेको हो ।

जेठ २७ गते अछामको पञ्चदेवल विनायक नगरपालिका-९ स्थित कर्णाली नदीको झोलुङ्गे पुलको लठ्ठा चुँडिदा १३ ओटा खच्चर पुलमै फसेका थिए ।

पुलमा फसेका खच्चरहरुको अदम्य साहसका साथ उद्धार गरी संगठनको प्रतिष्ठा बढाएको भन्दै दुबै जना प्रहरीलाई अभिलेखमा रहने गरी नगदसहित पुरस्कृत गरिएको सुदूरपश्चिम प्रदेश प्रहरी कार्यालयले जनाएको छ ।