काठमाडौं : नेपाली राष्ट्रिय क्रिकेट टोली अमेरिकाबाट वेस्ट इन्डिज पुगेको छ ।
आईसीसी टी–२० विश्वकप अन्तर्गतका बाँकी दुई खेल खेल्न नेपाली टोली वेस्ट इन्डिज पुगेको हो । हिजै पुग्नु पर्ने टोली फ्लोरिडाको खराब मौसमका कारण उडान रोकिएको थियो ।
नेपालले भोलि बिहान दक्षिण अफ्रिकासँग खेल्ने छ । खेल बिहान सवा ५ बजे हुनेछ ।
पहिलो खेलमा नेदरल्यान्ड्ससँग ६ विकेटले पराजित भएको नेपालले श्रीलंकाविरुद्धको खेल वर्षाका कारण रद्द भएपछि अंक बाडेको थियो । तीन खेलमा अपराजित रहेको दक्षिण अफ्रिका भने सुपर ८ मा पुगिसकेको छ ।
प्रतिक्रिया दिनुहोस्