कञ्चनपुर : कञ्चनपुरमा कारगारका कैदी र एक प्रहरी र कर्मचारी एक रेस्टुरेन्टमा मदिरा सेवन गरिरहेको अवस्थामा फेला परेका छन्। कैदी ज्ञानबहादुर चन्द, कैदीका नाइके भुवन थापा, प्रहरी हवल्दार रामसिंह धामी र कारागारका खरिदार जीवन पन्त मदिरा सेवन गरिरहेको अवस्थामा भट्टीमा फेला परेको कञ्चनपुरका डीएसपी उमेश जोशी बताए ।
हिजो उनीहरू होटलमा भेटिएका थिए । अहिले सो विषयमा छानबिन थालिएको छ। डीएसपी जोशीले भने डीआइजी सरको निर्देशनमा कैदीसँग भेटिएका हवल्दार रामसिंह धामीलाई निलम्बन गर्ने गरी प्रक्रृया अगाडी बढाएका छौ र नाइके, अर्को कैदी र कारागारको कर्मचारीलाई कारागारकै जिम्मा लगाई दिएका छौ । बाहिर निस्केर मदिरा सेवनको विषय अनुसन्धान भैरहेको छ । उनका अनुसार अहिले प्रहरीले कारागारसंग समन्वय गरेर अनुसन्धान थालेको छ।
जिल्ला प्रहरी कार्यालय कञ्चनपुरका प्रमुख एसपी चक्रराज जोशीले हवल्दार धामीलाई गैरजिम्मेवार र गैरव्यवसायिक काम गरेको भन्दै ६ महिना निलम्बन गरिएको जानकारी दिए। उनका अनुसार घटनाको विस्तृत छानबिनसमेत भैरहेको छ।
प्रतिक्रिया दिनुहोस्