अर्थमन्त्री पुनले बजेटमाथि उठेका प्रश्नको जवाफ दिने

काठमाडौं : संघीय संसदअन्तर्गतको प्रतिनिधिसभा बैठक बस्दैछ। बैठकमा आर्थिक वर्ष २०८१/०८२ को राजश्व र व्ययको वार्षिक अनुमानमाथिको सामान्य छलफल हुनेछ। छलफलपछि अर्थमन्त्री वर्षमान पुनले राजश्व र व्ययको वार्षिक अनुमानमाथिको छलफलमा उठेका प्रश्नको उत्तर दिने कार्यसूची रहेको छ।

बैठकमा ‘विनियोजन विधेयक, २०८१” लाई प्रस्तुत गर्न अनुमति माग्ने प्रस्तावमाथि प्रेम सुवालले राखेको विरोधको सूचनालाई निर्णयार्थ प्रस्तुत गरिनेछ । 

अर्थमन्त्री पुनले ‘विनियोजन विधेयक, २०८१” प्रस्तुत गर्ने कार्यसूची छ। “राष्ट्र ऋण उठाउने विधेयक, २०८१” लाई प्रस्तुत गर्न अनुमति माग्ने प्रस्तावमाथि सुवालले राखेको विरोधको सूचनालाई निर्णयार्थ प्रस्तुत गरिनेछ।

यसपछि बैठकमा अर्थमन्त्री पुनले “राष्ट्र ऋण उठाउने विधेयक, २०८१” ,भन्सार महशुल विधेयक, २०८१” प्रस्तुत गर्नेछन्।