काठमाडौं : ६० किलोभन्दा बढी सुन तस्करी प्रकरणमा प्रहरीको केन्द्रीय अनुसन्धान ब्युरो (सीआईबी)ले काभ्रेका थर्कमान लामा पक्राउ गरेको छ ।
तेमाल गाउँपालिका घर भएका ४५ वर्षीया लामालाई ब्यूरोले लाजिम्पाटबाट पक्राउ गरेको हो । कान्छामान भनेर चिनिने थर्कमान लामालाई पक्राउ गरेर अनुसन्धान अघि बढाइएको सीआईबी स्रोतले पुष्टि गरेको छ ।
पूर्वन्याायधीश डिल्लीराज आचार्य अध्यक्ष रहेको जाँचबुझ आयोगको प्रतिवेदनको आधारमा सीआईबीले अहिले दोस्रो चरणको अनुसन्धान गरिरहेको छ । आयोगको सिफारिस अनुसार पूर्व सभामुख कृष्ण बहादुर महरा सहित ७ जनामाथि अनुसन्धान भइरहेको बताईएको छ । यी मध्ये पूर्वउपराष्ट्रपति नन्दबहादुर पुनका परराष्ट्र सल्लाहकार जीवनबहादुर गुरुङ भने फरार छन् ।
गत साउन २ मा त्रिभुवन अन्तर्राष्ट्रिय विमानस्थलको भन्सार जाँचपास भएर बाहिरिंदै गरेको अवस्थामा प्रहरीले ६० किलोभन्दा बढी सुन बरामद गरेको थियो ।
प्रतिक्रिया दिनुहोस्