चिन संग जोडिएको दार्चुलाको तिंकर नाका ५ बर्ष पछी सञ्चालन आउने

दार्चुला : दार्चुलाको तिंकर नाका ५ बर्ष पछी सञ्चालनमा आउने भएको छ । दुईपक्षीय छलफल पछी असार ११ गतेदेखि चीनको तिब्बतसँग जोडिएको तिंकर नाका सञ्चालनमा आउने भएको हो ।

चीनको तिब्बत (बुराङकाउन्टी)का जनप्रतिनिधि, सुरक्षा अधिकारी र नेपालका तर्फबाट दार्चुलाका प्रमुख जिल्ला अधिकारी, सुरक्षा निकायका प्रमुखहरुसँग आज भएको दुईपक्षीय छलफल पछि तिंकर नाका सञ्चालनमा आउन लागेको दार्चुलाका प्रमुख जिल्ला अधिकारी यज्ञराज जोशीले बताए ।

सुरक्षा निकायका प्रमुखहरुले चिनियाँ सुरक्षा अधिकारीसँग सामाजिक सञ्जाल (वीच्याट) बाट नाका सञ्चालन गर्ने विषयमा गरेका थिए । कोरोना सङ्क्रमण फैलिए पछि स्वास्थ्य संवेदनशिलताका कारण वि.सं. २०७६ यता उक्त नाका बन्द रहेको थियो।