काठमाडौं : गृहमन्त्री रवि लामिछानेलाई पदबाट निलम्बन माग गरिएको रिटको सुनुवाइ बिहीबार पनि स्थगित भएको छ।
निवेदक अनुपम भट्टराईले सुनुवाइ स्थगन गर्न निवेदन दिएकाले आज सुनुवाइ नगरिएको हो।
न्यायाधीश सुनिल पोखरेलको इजलासमा परेपछि भट्टराईले सुनुवाइ स्थगन गरेका हुन्। हिजाेपनि उनै पाेखरेलकाे इजलासमा सुनुवाइ परेपछि स्थगित भएकाे थियाे।
न्यायाधीश हुनुअघि पोखरेल रविको वकिल भएकाले निवेदन भट्टराईले उनको इजलासबाट निवेदन सुनुवाइ स्थगित गरेका हुन्।
महान्यायाधीवक्ता कार्यालयले गृहमन्त्री लामिछानेलाई सहकारी ठगीमा क्लिन चिट दिएको देखिनेगरी कुनै पनि उजुरी र अनुसन्धान नभएको भनी पत्र दिएपछि त्यसविरुद्ध भट्टराईले रिट दर्ता गराएका थिए।
रिटमा भट्टराईले लामिछानेले अनुसन्धान गर्ने निकाय गृह मन्त्रालयकै नेतृत्वमा भएकाले उनलाई पदबाट निलम्बन गरी सहकारी ठगीको छानबिन हुनुपर्ने माग गरिएकाे छ।
उनले रिटमा गृहमन्त्री लामिछाने र महान्यायाधीवक्ता दिनमणि पोखरेललाई समेत विपक्षी बनाएका छन्।
न्यायाधीश टेकप्रसाद ढुंगानाको एकल इजलासले रिट दर्ता गर्ने आदेश गरेको थियो। उक्त आदेशपछि दर्ता भएको रिट पोखरेलको इजलासमा परेको थियो।
यसअघि अदालत प्रशासनले उक्त रिट दरपीठ गरिदिएको थियो। सुरुमा दरपीठ भएको रिट पनि इजलासको आदेशले दर्ता भएको थियाे।
प्रतिक्रिया दनुहोस्