काठमाडौं : सहकारी ठगी प्रकरणमा संलग्न रहेको भन्दै गृहमन्त्री रवि लामिछाने बिरुद्ध सडकबाटै दबाब बढ्न थालेको छ । सदनमा काँग्रेस र राप्रपाले दबाब दिईरहेका छन् । आईतबारबाट काठमाण्डौँ र पोखरामा काँग्रेस सहित अन्य दलहरुले गरेको छुट्टा छुट्टै बिरोध प्रदर्शनमा गृहमन्त्री लामिछाने बिरुद्ध नाराबाजी गर्दै राजीनामा माग गरिएको छ ।
काँग्रेसले काठमाण्डौँको प्रदर्शनीमार्गमा सडकमा प्रदर्शन गर्दै सहकारी ठगीमा प्रत्यक्ष संलग्न रहेकाले गृहमन्त्रीमाथि संसदीय छानविन हुनु पर्ने माग राखेको छ । काँग्रेसका नेताले उस्तै मुद्धा लागेका सांसद फरार रहेको चर्चा गर्दै त्यस्तै आरोप लागेका लामिछाने गृहमन्त्री रहेको भन्दै कटाक्ष गरे ।
उता पोखरामा पनि विभिन्न दलले सडकमा प्रदर्शन गर्दै गृहमन्त्रीको राजीनामा मागेका छन् ।
कास्कीका क्रियाशिल ६ राजनीतिक दलका नेताले गृहमन्त्री रवि लामिछानेले राजीनामा दिएर संसदीय छानबिन समिति बनाउन मार्गप्रशस्त गर्नुपर्ने बताएका छन् । सहकारी पीडितको पक्षमा आइतबार पोखरामा विरोध प्रदर्शन गर्दै उनीहरुले छानबिन समितिमार्फत बचतकर्तालाई न्याय दिनुपर्ने बताए ।
प्रतिक्रिया दिनुहोस्