एक खेलअगावै अमेरिकाले जित्यो बंगलादेशसँगको शृंखला

काठमाडौं : घरेलु टोली अमेरिकाले बंगलादेशसँगको ३ खेलको टी-२० आई शृंखला जितेको छ। अमेरिका एक खेलअगावै तीन खेलको शृंखला जितेको हो ।

बिहीबार राति सम्पन्न दोस्रो खेलमा बंगलादेशलाई ५ रनले पराजित गर्दै अमेरिकाले २-० ले शृंखला जितेको हो । मंगलबार सम्पन्न पहिलो खेलमा अमेरिका ५ विकेटले वियजी भएको थियो ।

अमेरिकाले दिएको १४४ रनको लक्ष्य पछ्याएको बंगलादेशले १९.३ ओभरमा सबै विकेट गुमाउँदै १३८ रन मात्रै बनाउन सक्यो ।

अन्तिम खेल शनिबार हुनेछ । बंगलादेश आउँदो टी-२० विश्वकपमा नेपाल सम्मिलित समूहमा छ ।