दशरथचन्द र जयपृथ्वी राजमार्गमा हिमपात,बालीनाली सप्रिने भन्दै किसान खुसी 

कैलाली : दशरथचन्द र जयपृथ्वी राजमार्गमा हिमपात भएको छ ।ती राजमार्गमा हिजाे दिउँसोदेखि हिमपात भएको हो ।

राजमार्ग अन्तर्गतका खोडपे, अनारखोली, हरिचन, दुदिलाखान, ढोल्यामोड, बित्थडलगायत स्थानमा हिमपात भएको छ । हिमपातका कारण केहिबेर ती राजमार्गमा यातायात सेवा अवरुद्ध भएको थियो ।

यसैबिच हिमपात भएसँगै बालीनाली सप्रिने भन्दै यहाँका किसान खुसी भएका छन् । हिमपातपछि चिसो भने ह्वात्तै बढेको छ । बैतडीमा यस वर्ष दोस्रो पटक हिमपात भएको हो । यसअघि गत माघ तेस्रो साता हिमपात भएको थियो ।