काठमाडौं- बालिका बलात्कार आरोपमा पूर्वमाओवादी लडाकु कमाण्डर पक्राउ परेका छन् ।
मकवानपुरकी १३ वर्षीया बालिकालाई बलात्कार गरेको आरोपमा सिन्धुली मरिन गाउँपालिका-७ का हरि श्रेष्ठलाई पक्राउ गरिएको जिल्ला प्रहरी कार्यालय, मकवानपुरका प्रवक्ता डिएसपी लक्ष्मी भण्डारीले जानकारी दिए ।
गत मंसिर दोस्रो साता पीडित पक्षले उजुरी दर्ता गरेको थियो । फागुन ४ गते श्रेष्ठलाई पक्राउ गरेर पहिलोपटक म्याद थप गरेर अनुसन्धान भइरहेको डिएसपी भण्डारीले जानकारी दिए ।
जनयुद्धकालमा प्रमोद नामले चिनिने श्रेष्ठ माओवादी जनमुक्ति सेनाको दोस्रो डिभिजन कमाण्डर थिए । उनी शान्ति प्रक्रिया अघि बढेपछि माओवादी लडाकुलाई राखिएको दुधौली शिविरमा थिए ।
प्रतिक्रिया दिनुहोस्