कैलाली-अछामको तुर्माखाँद गाउँपालिकामा महायज्ञबाटै झन्डै साढे एक करोड बराबरको सम्पत्ति आर्जन भएको छ ।
वडा नम्बर ४ मा रहको कालिकेश्वरी माध्यामिक विद्यालयको स्तरोन्नति र तुर्माखाँद बहुमखी क्याम्पस स्थापनाका लागि आर्थिक संकलन गर्ने उद्देश्यले महायज्ञको आयोजना गरिएको थियो ।
माघ १६ गतेदेखि २४ गतेसम्म सञ्चालन भएको महायज्ञबाट एक करोड ६ लाख रुपैयाँ नगद संकलन भएको छ । यसैगरी, करिब ३८ लाख बराबरको जग्गा दानबाट प्राप्त भएको महायज्ञ आयोजक समितिका संयोजक पदमबहादुर बिसीले जानकारी दिए ।उनले महायज्ञलाई सफल पार्न सहयोग गर्नेहरूप्रति आभार व्यक्त गरेका छन् ।
माघ १६ गते सुदूरपश्चिमका मुख्यमन्त्री कमलबहादुर शाहले महायज्ञको उद्घाटन गरेका थिए । महायज्ञको उद्घाटन समारोहमा प्रतिनिधिसभाका सदस्य पुष्पबहादुर शाह, प्रदेशसभा सदस्य अक्कल रावलसहित सहभागी थिए ।
महायज्ञको समापन सुदूरपश्चिमका सामाजिक विकासमन्त्री झपट साउँदले गरेका थिए ।
प्रतिक्रिया दिनुहोस्