देशमा धेरै गर्न बाँकी छ, अवसर पनि यही छन् ,स्वदेशमै केही गर्नुस् : अर्थमन्त्री महत

धनगढी- अर्थमन्त्री प्रकाशशरण महतले जलविधुत्, कृषि, पर्यटन र सूचना प्रविधिको क्षेत्रबाट मुलुकको अर्थतन्त्रलाई माथि उठाउन सकिने बताएका छन् । चितवन हात्ती तथा पर्यटन महोत्सवको आज उद्‌घाटन गर्दै उनले अर्थतन्त्र सकारात्मक बाटोमा गइरहेकाले देशभित्र केही गर्न युवालाई आह्वान गरे ।

विभिन्न तथ्याङ्कले अर्थतन्त्र सकारात्मक बाटोमा गइरहेको देखाएको उल्लेख गर्दै त्यसलाई उपयोग गर्नुपर्ने अर्थमन्त्री महतको भनाइ थियो ।

नेपालमा लगानीको वातावरण छैन भन्ने भ्रममा परेर विदेश जानुभन्दा नेपालमा केही गर्न सकिन्छ भन्ने सोच युवाले राखेर अघि बढनुपर्ने उनले बताए । ‘देशमा धेरै गर्न बाँकी छ, अवसर पनि यही छन्’ उनले भने ।
निकुञ्ज जनताको लागि र जनता निकुञ्जको लागि भन्ने अवधारणाको विकास नगरी जैविक विविधताको संरक्षण हुन नसक्ने भन्दै उनले दुवैलाई आवश्यकता आभास दिलाउने गरी ऐन परिवर्तन हुनुपर्ने बताए ।

निकुञ्ज ऐनले स्थानीय विकास निर्माण र समुदायको विकासमा बाधा हुन नहुने भन्दै अर्थमन्त्री महतले पुरानो ऐनले जनता र निकुञ्जबीचको दुरी बढाइएको आफूले पाएको बताए ।