कञ्चनपुर: कञ्चनपुरमा जुवा खेल्ने ८ जना पक्राउ परेका छन्।
कञ्चनपुरको भीमदत्त नगरपालिका वडा नम्बर ६ एठपुरस्थित पारस भट्टले संचालन गरेको चन्द्रदेव राइस मिलमा जुवा तास खेलिरहेको अवस्थामा उनीहरु पक्राउ परेका हुन्। चन्द्रवेद राइस मिलबाट २ लाख ८ हजार चार सय २६ रुपैयाँसहित ८ जना पक्राउ परेको जिल्ला प्रहरी कार्यालय, कञ्चनपुरका प्रवक्ता प्रकाश डाँगीले बताए।
शुक्रवार राति जुवाखालबाट पक्राउ पर्नेमा भीमदत्त नगरपालिका वडा नम्बर ४ का दामोदर भट्ट, वडा नम्बर ६ का नरेन्द्र विष्ट, पारस भट्ट, खेमराज लेखक, नरेन्द्र जोशी, वडा नम्बर ८ का सुरत खत्री तथा वडा नम्बर १० का दिपक गिरी र तिलक बैज रहेका छन्।
बिशेष सुचनाको आधारमा जिल्ला प्रहरी कार्यालय कञ्चनपुरबाट खटिएको प्रहरी टोलीले जुवा खेलिरहेको अबस्थामा नगदर र तास सहित उनीहरुलाई नियन्त्रणमा लिएको हो।
प्रतिक्रिया दिनुहोस्