बैतडीको झुलाघाट नाका आजदेखि पूर्ण रुपमा सुचारु

धनगढी १ कार्तिक । बैतडीको झुलाघाट नाका आजदेखि पूर्ण रुपले सुचारु हुने भएको छ । जिल्ला प्रशासन कार्यालय बैतडीका अनुसार झुलाघाट पुल मर्मत कार्य सम्पन्न भइसकेकाले बुधबारबाट पूर्ण रुपमा आवागमन सुचारु हुने भएको हो ।

पुल जीर्ण भएपछि सीमा समन्वय बैठकमा पुल मर्मत सम्भारको कार्य गरिएो हो । भारतीय पक्षले पुल मर्मतसम्भारको काम पुरा गरिसकेकाले आजदेखि नाका पूर्ण रुपमा सञ्चालनमा आउने प्रमुख जिल्ला अधिकारी सुरेश पन्थीले बताए ।