बझाङमा एक जनाको खुकुरी प्रहार गरी हत्या

बझाङ: बझाङमा एक जनाको खुकुरी प्रहार गरी हत्या भएको छ ।

छबिसपाथिभेरा गाउँपालिका–७ घट्टेका करिब ६० वर्षीय जैलु मण्डेलको सोही ठाउँका करिब ५५ वर्षीय बिजुली मण्डेलले खुकुरी प्रहार गरी हत्या गरेका हुन् ।

बिजुली शुक्रबार साँझ साढे ७ बजे हत्या गरी फरार भएका छन् । ‘सामान्य विवाद हुँदा बिजुलीले जैलुको घर आँगनमै गएर खुकुरी प्रहार गरी हत्या गरेको भन्ने खबर आएको छ । हामी घटनास्थलमा गइरहेका छौं’,जिल्ला प्रहरी कार्यालय बझाङका प्रहरी निरीक्षक दीपेश चौधरीले भने ।