धनगढी: कैलालीमा भाइरल ज्वरोका बिरामी बढ्दै गईरहेको पाईएको छ । जिललाको गोदावरीमा ज्वरो आउने र रुघाखोकीका बिरामीको सङ्ख्या बढेको छ ।
गोदावरी नगरपालिका स्थित मालाखेती अस्पतालमा हाल बिरामीको चाप बढेको अस्पतालका एमडीजीपी डाक्टर अन्वेष कोईरालाले बताए । ‘अहिले भाइरलको सिजन भएकोले अस्पतालमा बिरामीका बढेका हुन ।’ उनले भने ‘ ज्वरो आउने, टाउको दुख्ने, शरीर दुख्ने, रुघाखोकीका बिरामी बढेका छन ।’ उनले यस्तो समस्या बच्चा देखि बुढा सम्म सबैमा देखिएको बताए ।
उनका अनुसार हाल अस्पतालमा दैनिक साढे ३ सयको संख्यामा बिरामी आउने गरेका छन । गोदावरी क्षेत्रका अन्य अस्पतालहरुमा पनि अहिले भाइरल ज्वरोका बिरामीको चाप बढेको छ ।
भाइरल ज्वरो आएका बिरामीले नआत्तिन, झोल पदार्थ बढी खान, सफा पानी बढी पिउन, खानपिन र सरसफाइ लगायतका जनस्वास्थ्यको मापदण्डमा ध्यान दिन स्वास्थ्यकर्मीले आग्रह गरेका छन् ।
प्रतिक्रिया दिनुहोस्