धनगढी: बैतडी समाज कैलालीद्धारा आयोजना गरिएको ११ औँ बृहत रक्तदान कार्यक्रम तथा खीर खाने कार्यक्रमको सम्पन्न भएको छ । साउन २७ गते (आज) धनगढीको पदमा नर्सिङ कलेजसँगै रहेको समाजको सचिवालयको प्राङ्गणमा रक्तदान तथा खीर खाने कार्यक्रम गरेको रक्तदान संयोजक राज बहादुर चन्दले जानकारी दिए ।
आजको रक्तदान कार्यक्रममा जम्म १ सय १८ जना सहभागी थिए जस्मा १० जना महिला र १ सय ८ जना पुरुसको सहभागीता रहेको थियो ।
बैतडी समाज कैलाली रगतको अभावका भएका बेला रक्तदान कार्यक्रमको आयोजना गर्दै आएको छ । समाजले हरेक वर्ष कम्तीमा पनि दुई वटा रक्तदान कार्यक्रमको आयोजना गर्दै आएको छ । यसअघिका १० वटा रक्तदान कार्यक्रममा ९ सय ५ जना रक्तदाताले रगत दान गरेका थिए ।
‘रक्तदान जीवनदान’ भन्ने नाराका साथ समाजले रक्तदान कार्यक्रमको आयोजना गर्दै आएको समाजका अध्यक्ष मायाप्रकाश भट्टले जानकारी दिए ।
बैतडी समाज कैलालीले हरेक वर्ष बैतडीका ग्रामीण र दुर्गम भेगमा स्वास्थ्य शिविरको पनि आयोजना गर्दै आएको छ । यसअघि समाजले बैतडीको पाटन र मेलौलीमा दुई वटा बृहत स्वास्थ्य शिविरको आयोजना सम्पन्न गरिसकेको छ ।
प्रतिक्रिया दिनुहोस्