धनगढी । निसर्ग हस्पिटल एण्ड रिसर्च सेन्टरका एमडी डा.मेराज आलम अन्सारीले स्कुले विद्यार्थीका लागि पोशाक वितरण गरेका छन् ।
नेपाली कांग्रेसको सुदूरपश्चिम प्रदेशको कार्यसमिति सदस्य समेत रहेको डा.अन्सारीले बिहीबार धनगढी-१ स्थित मदरता नुरुनवी स्कुलका विद्यार्थीलाई विद्यालय पोशाक सहयोग गरेका हुन् ।
अन्सारीले इस्लामिक नयाँ वर्षको अवसरमा विद्यार्थीलाई ड्रेस सहयोग गरेका हुन् । विद्यार्थीलाई पोशाक वितरण गर्दै डा.अन्सारीले आफ्नो सानो सहयोगले विद्यार्थीको दैनिकी सहज हुँदा खुसी लागेको बताएका छन् । त्यस्तै उनले आगामी दिनमा पनि विद्यालय र विद्यार्थीका लागि थप सहयोग गर्ने प्रतिवद्धता समेत गरेका छन् ।
विद्यार्थीलाई पोशाक वितरण कार्यक्रममा नुरुनवी स्कुलका पूर्व अध्यक्ष शराफत अलिखान, स्कुल व्यवस्थापन समिति, शिक्षक, युवा लगायतको उपस्थिति रहेको थियो ।
प्रतिक्रिया दिनुहोस्