कैलाली: कैलालीको अत्तरियाबाट लागुऔषधसहित ३ जना पक्राउ परेका छन।
शुक्रबार डडेल्धुराको पर्शुराम नगरपालिका-११ घर भई हाल कैलालीको गोदावरी नगरपालिका-१ मा डेरा गरि बस्ने २७ बर्षीय खडक बिष्टलाई शंका लागि चेकजाँच गर्दा उनको साथबाट २ ग्राम ८० मिलीग्राम लागुुऔषध खैरो हिरोइन वरामद गरिएको इलाका प्रहरी कार्यालय मालाखेतीले जनाएको छ।
उनीसंगै बस्ने आलिताल गाउँपालिका-६ का ३२ बर्षीय बिष्णु बिष्टको साथबाट पनि ७० मिलिग्राम लागु औषध खैरो हेरोईन बरामद गरिएको डिएसपी गणेश बरालले बताएका छन ।शुक्रबार नै गोदावरी नगरपालिका-२ महेन्द्रनगरबाट २१ बर्षीय दिलिप कडायत पनि लागुऔषध सहित पक्राउ परेका छन । उनको साथबाट ९६५ मिलीग्राम लागु औषध खैरो हेरोईन फेला परेको थियो । इलाका प्रहरी कार्यालय मालाखेतीबाट सादा पोषकमा खटिएको प्रहरी टोलीले अत्तरिया बजारका छुट्टाछुटै स्थानबाट लागुऔषध खैरो हिरोइनसहित ३ जनालाई पक्राउ गरेको हो।
प्रतिक्रिया दिनुहोस्