‘गुड लक विरेन्द्र सर…’

धनगढी । वर्षौंदेखि अस्तव्यस्त रहेको धनगढी पछिल्लो केही समययता व्यवस्थित बन्दै गएको छ । अझ धनगढीको मुख्य समस्यामा रुपमा रहेको ट्राफिक व्यवस्थापन अहिले सुधारिँदो अवस्थामा छ ।

खासगरी जिल्ला ट्राफिक प्रहरी कार्यालय धनगढीको प्रमुखमा ट्राफिक प्रहरी निरिक्षक विरेन्द्रसिंह जोहारीको इन्ट्रिसँगै धनगढीमा ट्राफिक व्यवस्थापन थप प्रभावकारी बन्दै गएको छ । धनगढीलाई पूर्ण रुपमा व्यवस्थित बनाउने संकल्पसहित इन्जार्चको जिम्मेवारी सम्हालेका जोहारी अहिले सोही संकल्प पूरा गर्ने दौडमा छन् ।

कैलाली यसै पनि सबैभन्दा धेरै सडक दुर्घटना हुने शहरका रुपमा परिचित छ । साँघुरा सडक र अत्याधिक जनघनत्वका कारण पछिल्लो समय कैलाली त्यसमा पनि धनगढीमा सडक दुर्घटनाका केस पनि बढ्दो थियो । अझ मोहना अत्तरिया ६ लेन सडक बनेपछि सडक प्रयोगको उचित ज्ञान नहुँदा दुर्घटनाले झनै विकराल रुप लिएको थियो । तर, पछिल्लो समय कैलालीमा सडक दुर्घटनाका केस घट्दो क्रममा रहेको प्रहरीको तथ्यांकले प्रष्ट्याएको छ । जसको श्रेय जिल्ला ट्राफिक प्रहरी कार्यालय कैलालीका प्रमुख विरेन्द्र सिंह जोहारीलाई जान्छ भन्दा फरक पर्दैन ।

जोहारी बिहानैदेखि कैलालीको ट्राफिक व्यवस्थापन गर्ने महाअभियानमा सक्रिय रुपमा लाग्छन् । प्रत्येक हप्ताको शुक्रबार बिहानै ८ बजेदेखि उनी ट्राफिक सचेतना कक्षा सञ्चालन गर्छन् । जहाँ उनी सडक लेन अनुशासन पालना नगरेको तथा मापसेमा कार्वाहीमा परेका सवारी चालकहरुलाई सवारी साधन चलाउँदा ध्यान दिनुपर्ने महत्वपूर्ण विषयबारे पढाउँछन् । उनले हालसम्म १ हजार ५ सय २५ जनालाई सवारी सचेतना कक्षा दिइसकेका छन् ।

योसँगै जोहारी दैनिक रुपमा सवारी चालकहरुलाई सवारी सञ्चालनका विषयबारे सम्झाईरहन्छन् । दिनहुँजसो यात्रुबाहक सवारी साधनमै पनि उनी चालक, सहचालक तथा यात्रुहरुलाई ट्राफिक नियमका बारेमा सेचना दिइरहन्छन् । मुस्कानसहितको सेवा भन्ने मूल मन्त्रसहित जिल्लाको ट्राफिक व्यवस्थापनमा लागी परेका उनी कैलालीमा सडक दुर्घटनालाई शून्यमा झार्ने संकल्पका साथ अहोरात्र खटिएका छन् ।

जोहारीको उक्त पहलमा पछिल्लो दिन कैलालीबासी र सवारी चालकहरुले पनि निकै सहयोग गरेको देखिन्छ । अहिले कैलालीमा सञ्चालन हुने सार्वजनिक यातायातमा पनि सवारी सञ्चालनका मापदण्ड पूरा भएका भेटिन्छन् । यसले कैलालीलाई व्यवस्थित बनाउने जोहारीको सपना साकार गर्न थप बल पुगेको छ ।

जोहारी सापलाई- ‘अनुरोध तपाई कैलालीलाई व्यवस्थित बनाउने कर्ममा लागिरहनुस्, संकल्पमा अडिक रहनुस्, तपाईको काममा कैलालीबासीको सहयोग रहनेछ, हाम्रो साथ रहनेछ ।’