गोदावरी नगरभित्रका विद्यालयमा थप तीन दिन बिदा

अत्तरिया: गोदावरी नगर भित्रका विद्यालयमा थप तीन दिन गर्मी बिदा हुने भएको छ ।

अत्याधिक गर्मी हुनथालेपछि गोदावरी नगरपालिकालेले आईतबार एक सूचना जारी गर्दै थप तीन दिन बिदा दिएको हो ।

यस अघि नगरपालिकाले जेठ २९ गते देखि असार १ गते सम्मका लागि बिदा दिएको थियो ।

मौसममा सुधार नआएपछि वर्षे वा हिउँदे बिदाबाट मिलान हुने गरी असार ४ गते देखि ६ गतेसम्म विद्यालय बन्द गर्ने निर्णय गरेको सूचनामा उल्लेख गरिएको छ ।