धनगढी । नेपाल कम्युनिष्ट पार्टी कैलालीले मीटर ब्याजका नाईके मुनिर खानको घर कब्जा गरेको छ । शनिबार कैलालीको धनगढी उप महानगरपालीका वडा नम्बर १ पशुपती टोलमा रहेको शेख मुनिर खान अहमेदको घर जग्गा कब्जा गरिएको हो ।
लामो समयदेखि कैलालीका सर्वसाधारणलाई मिटर ब्याजमा फसाउँदै घरबार बिहीन बनेका मिटरब्याज पीडितहरुको उजुरीको आधारमा खानको घर जग्गा कब्जामा लिएको नेपाल कम्युनिष्ट पार्टी कैलालीका जिल्ला ईन्चार्ज प्रकाश मल्लले बताएका छन् । मल्लका अनुसार शनिबार नेपाल कम्युनिष्ट पार्टीले नारा जुलुशसहित ब्यानर र कालो झण्डा गाडेर खानको घरजग्गा कब्जा गरेको गरिएको हो ।
‘लामो समयदेखि खानलाई सुध्रिने मौका दिँदा पनि नसुध्रिएकाले घरजग्गा कब्जा गरिएको हो’, मल्लले भने, ‘अझै पनि नसुध्रिएर जनतालाई दुख दिने काम गरेको पाइए थप कार्वाही गर्न बाध्य हुनेछौँ ।’
शनिबार कब्जा गरिएको उक्त सम्पत्तिको स्वामित्व पनि पीडित जनतामै रहने कैलाली इन्चार्ज मल्लले बताएका छन् ।
प्रतिक्रिया दनुहोस्