बेहडाबाबा स्थित महादेवा तालमा डुबेर एक जनाको मृत्यु

धनगढीः धनगढीको बेहडाबाबा स्थित तालमा डुबेर एक जनाको मृत्यु भएको छ।

आज बिहान ५ बजे धनगढी उपमहानगरपालिका वडा नम्बर–१६ रामपुरमा रहेको बेहडाबाबा मन्दिर क्षेत्र स्थित महादेवा तालमा पौडी खेल्ने क्रममा डुबेर डडेल्धुराको परशुराम नगरपालिका जोगबुडा घर भएका २५ वर्षीय लोकेश भाटको मृत्यु भएको हो।

उनी कञ्चनपुरको महेन्द्रनगरमा बस्दै आएका थिए।