धनगढी । सनराइज बैंकले धनगढीका दुई विद्यालयमा ‘प्रोजेक्टर’ सहयोग गरेको छ । बैंकले धनगढी उपमहानगरपालिकाका ऐश्वर्या विद्या निकेतन र त्रिनगर माद्यामिक विद्यालयलाई ‘प्रोजेक्टर’ सहयोग गरेको हो ।
सामाजिक उत्तरदायित्व अन्तर्गत बैंकले मंगलबार विद्यालयमा प्रविधिमैत्री शिक्षा प्रदान गर्ने उद्धेश्य अनुरुप ‘प्रोजेक्टर’ सहयोग गरेको हो । सामाग्री बैंकका तर्फबाट नायब महाप्रबन्धक रविन नेपालले धनगढीको हसनपुरस्थित ऐश्वर्या विद्या निकेतनका प्रध्यानाध्यापक प्रेम निधी ओझालाई हस्तान्तरण गरेका हुन् ।
सामाग्री हस्तान्तरण गर्दै नेपालले उक्त सहयोगले विद्यालयको शिक्षा गुणस्तरमा टेवा पुग्ने विश्वास गरेका छन् । त्यस्तै, प्रअ निधीले सामाग्री सहयोग गरेको भन्दै बैंकलाई धन्यवाद दिएका छन् । उनले भने– ‘यो सहयोगले कक्षा ११ र १२ का विद्यार्थीहरुलाई प्रविधिमैत्री शिक्षा प्रदानमा सहयोग पुग्नेछ ।’
योसँगै बैंकले धनगढी उपमहानगरपालिकालाई पनि ३० थान डस्टबिन सहयोग गरेको छ । सफा र फोहोररहित नगर अभियानमा सहयोग होस् भनि डस्टबिन सहयोग गरेको बैंकले जनाएको छ । सो डस्टबिन उपमहानगरपालिकाका तर्फबाट मेयर गोपाल हमालले ग्रहण गरेका थिए । सो डस्टबिनहरु चोक तथा सडकपेटिकामा राखिनेछन् ।
प्रतिक्रिया दिनुहोस्